«Халыққа мемлекеттік қызмет көрсету — Біздің басты мақсатымыз!» тақырыбында ашық есік күні өткізілді

Елбасы, Ұлт Көшбасшысы Н.Назарбаевтың «Бір терезе» қағидасымен құрылған ХҚКО елімізде табысты қызмет атқарып келеді. Орталықтың мемлекеттік қызметтерді жылдам әрі сапалы орындауы тұтынушылардың сұранысын қанағаттандыруда. ХҚКО арқылы көрсетілетін мемлекеттік қызметтің түрлері жыл сайын артуда. Қазіргі уақытта орталықта барлығы 160-қа жуық мемлекеттік қызмет көрсетіледі.
Аталмыш қызметтерді облыс тұрғындарына насихаттау мақсатында Жамбыл облысы әкімдігінің ішкі саясам басқармасының қолдауымен "Жаңа-Ру" жастар коалициясы мен "ХҚКО" РМК-ның Жамбыл облысы бойынша филиалының ұйымдастыруымен 2014 жылдың 29-30 қыркүйек аралығында облысымыздың ауданады мен Тараз қалалық ХҚКО-ның 16 бөлімінде «Халыққа мемлекеттік қызмет көрсету - Біздің басты мақсатымыз!» тақырыбында ашық есік күні өткізілді.
Іс-шараның негізгі мақсаты мемлекеттік қызмет көрсету сапасын арттыру, тұрғындардың ақпараттық сауаттылығын арттыру және олардың мүмкіндіктері мен құқықтарын түсіндіру.