«ХҚКО арқылы көрсетілетін жаңа мемлекеттік қызмет түрлері» тақырыбындағы Байзақ ауданында семинар өтті
Жамбыл облысы әкімдігі ішкі саясат басқармасының қолдауымен «Жаңа-Ру» жастар коалициясы мен «ХҚКО» РМК-ның Жамбыл облыстық филиалының ұйымдастыруымен өтті. Семинардың мақсаты аудан тұрғындарына ХҚКО мен «Электронды үкімет» веб-порталы арқылы көрсетілетін мемлекеттік қызмет түрлерін насихаттау және түсіндіру.
Қызметтердің көрсету сапасын және қолжетімділікті арттыру мақсатында Мемлекеттік көрсетілетін қызметтер тізілімін бекіту туралы Қазақстан Республикасы Үкіметінің 2013 жылғы 18 қыркүйектегі № 983 қаулысымен халыққа қызмет көрсету орталықтары арқылы жаңа 25 мемлекеттік қызмет түрлері қосылып отыр.
Халыққа қызмет көрсету орталықтары көрсететін көптеген қызмет түрлері қазіргі таңда халыққа қолжетімділікті арттыру аясында бірқатар жұмыстар атқаруда, соның ішінде орталықтар электрондық нұсқада құжат қабылдау мен халықты дағдыландыру аса маңызға ие болып отыр.
«ХҚКО» РМК-ның Жамбыл облыстық филиалы Байзақ аудандық бөлімі