WBA және IBO нұсқасы бойынша орта салмақтағы әлем чемпионы Геннадий Головкин мексикалық Хулио Сезар Чавеспен жекпе-жек болмай қалған жағдайда қарсыласы кім болатынын айқындады.

Бұл туралы Yahoo! Sports-ға берген сұхбатында бапкер Том Леффер мәлімдеді, делінген GGG ВКонтакте беттерінде.

Леффлердің айтуынша, ол НВО басшылығымен басқа да мүмкіндіктерді талқылауды жоспарлауда. Өйткені шілде айындағы жекпе-жекті кейінге қалдырғысы келмейді.

Сондай-ақ Головкиннің бапкері WBO нұсқасы бойынша орта салмақтағы чемпиондар — Питер Куиллин мен Дэниел Джейкобс шілдедегі кездесуде Головкинге қарсы бірден-бір ықтимал үміткер болатынын айтты.

Бұдан бұрын хабарланғандай, Головкин мен Чавес арасындағы жекпе-жек Лос-Анджелестегі «Форум» (Forum) жабық аренасында 19 шілдеге белгіленген. Егер тараптар уағдаластыққа келе алмаса, қазақстандық дәл сол күні, бірақ Нью-Йоркте рингке шығатын болады.

Басты сөздер: Спорт

АСТАНА. ҚазАқпарат