Еуропа Лигасындағы «Шахтердің» ойындарына кіру билеті 1500-ден 5000 теңгеге дейін болады
Қарағандылық «Шахтер» Еуропа Лигасында кемінде үш ойынды өз алаңында елордалық «Астана Арена» стадионында өткізеді, деп хабарлайды Sports.kz.
«Шахтердің» матчтарына кіру билетінің құны орта есеппен 1500-ден 5000 теңгеге дейін болады», — деп жазады өзінің твиттердегі парақшасында ҚФФ атқарушы директоры Олжас Абраев.
Естеріңізге сала кетейік, қарағандылықтар бірінші ойынын 19 қыркүйекте Салоникида ПАОКқа қарсы өткізеді. Матч бос стадионда көрерменсіз өтеді.
АСТАНА. ҚазАқпарат