Достық үйінде ұрпақтар кездесуі өтті

Мемлекеттік қызметші күні мерекесі қарсаңында а.ж. 21 маусымында  ҚР Мемлекеттік қызмет істері министрлігінің Ақмола облысы бойынша департаменті (бұдан әрі-Департамент)   «Қазақстанның мемлекеттік қызметі - кеше және бүгін» тақырыбында мемлекеттік қызметтің ардагерлері мен мемлекеттік органдардың өкілдерінің қатысуымен кездесу өткізді.

Кездесудің модераторы Департамент басшысының орынбасары Е.Жайықбаев  қоғамның үздіксіз дамуының шарты болып табылатын, өмірлік маңызды құндылықтарды, көпжылғы тәжірибені аға буыннан жас ұрпаққа жеткізуге көмектесетін мұндай кездесулердің маңыздылығын ерекше атап өтті.

Іс-шараға ұзақ жылдар бойы мемлекеттік қызметтің қалыптасуы мен дамуына жеке үлестерін қосқан облыстың мемлекеттік қызметінің ардагерлері  М.Құлмағамбетов, Ғ.Төлеғұл, П.Трищ қатысты.

Кездесу барысында ұрпақтар диалогы құрылды, ардагерлер өздерінің тәжірибесімен ынталана бөлісті, өздерінің жүргізіліп жатқан реформаларды қолдайтындығы туралы пікір айтты.

Іс-шараға 30-дан астам адам қатысты.