Әділетті мамандар керек

30.10.12.

Қазақстан Республикасы Президентінің Жолдауына сәйкес, мамыр мен тамыз айы аралығында, барлық құқық қорғау органдары, соның ішінде Алматы қаласы бойынша Кедендік бақылау департаментінің ішкі қауіпсіздік басқармасы, контрабандаға қарсы күрес басқармасы мен жедел кезекшілік бөлімдерінің қызметкерлері аттестаттаудан өту барысында өздерінің кәсіби біліктілігі, әскери және дене шынықтыру дайындығы бойынша жоғары деңгей көрсетті.

Жақында департаменттің ай­мақтық аттестаттау комиссиясы кеңесінің әділетті өтуін қадағалау мақсатында қосымша қо­ғамдық бақылаушылар - «Нұр Отан» ХДП, Қазақстанның брокерлер қауым­дас­ты­ғының, «Казахстанская прав­­да», «Им­порт-Экспорт» се­кіл­ді БАҚ өкілдері ша­қы­­рылған бо­латын. Бұл жолы к­о­н­т­­ра­бан­даға қарсы күрес басқарамасына та­ғайындалған екі қызметкерді әңгі­мелесу бойынша ат­тестаттаудан өткізді.
Қазақстан Республикасы заң­намасына сәйкес, аттестаттаудан өтуге келгендер ҚР заң­намаларын бiлуi және логикалық ой­лауы, ком­пьютерлiк тестiлеуден өтуi тиiс болатын. Тиiстi құқық қорғау ор­ганының қызмет ерекшелiктерiн ескере отырып, дене шынықтыру, жауынгерлiк және қыз­меттiк даяр­лық жөнiндегi белгiленген нор­ма­­тивтердi тапсырады. Сондай-ақ пси­хо­логиялық жағынан тексеру қа­рас­тырылған. Барлық ресiмнiң ашық және айқын болуы, әр қыз­меткердiң құқықтарын сақтау мақ­сатында жеке тәсiлдер қолдану жос­пар­ланған. Мұндай тексеру ба­рысы, кеденнің құқық қорғау бло­­гында біліксіз, моральдік өне­ге­сі төмен, жемқорлыққа бейім қыз­­меткерді анықтауға септігі зор.
Шақырылған қоғамдық бақы­лаушылар кезектен тыс аттес­тат­тауға белсене арала­сып, атқарылып жатқан кезектен тыс сы­нақ­қа оң баға берді. Солардың бірі - Ал­маты қалалық мәслихат депутаты Ена Алек­сандр Михайлович: «Құқық қорғау жүйесі қызметкерлерінің кәсіби дайындық деңгейін тексеру - бүгінгі күндегі ең өзекті мәселе. Қа­зір құқық қорғау органдары ма­мандарының моральдық-адам­гершілік жауапкершіліктері төмен деген пікір жиі ай­тылады. Әсіресе, қарапайым халық та­рапынан арыз-шағым көп. Осыған орай ха­­лықтың құқық қорғау органдары­ның ма­мандарына деген сенімін қалпына кел­тіру, әділетті, саналы, білімді кадрлар қа­зіргі таң­да ең қа­жетті әрі өткір мәселе. Мі­не, жап­­пай кезектен тыс аттестаттаудан өт­­кізу­дің сыры да осында жатса ке­рек», - дей­ді.

Сейсен ӘМІРБЕКҰЛЫ