Әдебиет әлсіз емес, мәселе — қоғамда
Мархабат БАЙҒҰТ, жазушы:
– Кезінде кеңес өкіметі тұсында идеологияға айрықша қызмет еткен саланың бірі әдебиет болды. Әдебиетке арқа сүйеген социалистік жүйе тек қана пайдасын көргені болмаса, одан залал шеккен жоқ. Ал енді бүгінгі таңда қатыгезденіп бара жатқан қоғамның жүрегін жібітуге келгенде әдебиет неге әлсіздік танытуда? Не себепті?
– Әдебиет әлсізденді дей алмаймын. Қоғамыңызда да, адамыңызда да әдебиетіңізді түсінетіндей түйсік, ұғынатындай сезімталдық, демек, жібитіндей жүрек бар ма? Гәп пен кеп осында. Қоғамыңыздың да, адамыңыздың да жүректері тек ақшаға ғана жібитіндей. Басқа Құдайға емес, «Ақша-Құдайға» бас ұруға көшіп кеттік. Әдебиет әлсізденген жоқ, әдебиетті әдейілеп әлсіздендірдік. Оның себебі толып жатыр. Оларды да айтып, жазып жүрміз ғой, қайталағаннан қаймақ пайда болмас. Әдебиет әлсіздік танытып отырған жоқ. Көбінесе қоғамыңыз жөнсіздік, адамыңыз жолсыздық танытып отыр-ау. Басым жағдайларда. (жалғасы мұнда: mtdi.kz)