Дамир Дигай ауданымыздағы Тоғыз Социалистік Еңбек Ері Күләш Айтжанова апамызбен онлайн жүздесу өтті.

Бүгін "Nur Otan" партиясынан Мәжіліс депутаттығына кандидат Дамир Дигай ауданымыздағы Тоғыз Социалистік Еңбек Ері мен көптеген ауыл шаруашылығының майталмандары шыққан суы нәрлі, жері құнарлы алтын аймақтың Кеңестер Одағы кезінде даңқын шығарғандардың бірі де бірегейі Күләш Айтжанова апамызбен онлайн жүздесу өткізді.

Онлайн кездесу барысында кандидат Дамир Дигай ардагерлерге, зейнеткерлерге қамқорлық жасау - біздің ортақ міндетіміз. Оларға қолдау көрсету ұдайы партия назарында екендігін атап өтті. Сондай партия бағдарламасындағы "Аға ұрпаққа қамқорлық" тарауында: "Ардагерлерді ардақтайық" партиялық жобасы аясында біз медициналық-әлеуметтік мекемелерде қарт адамдардың өмір сүру жағдайына мониторинг жүргізуді жалғастырамыз, сондай-ақ Ұлы Отан соғысының қатысушылары мен мүгедектерге мүгедектеріне, тыл еңбеккерлеріне және зейнет жасындағы адамдарға жоғары технологиялық медициналық көмек көрсетуге бастамашылық жасаймыз",- деп партияның алға қойған басты мақсаттарына кеңінен тоқталып өтті.

Ал Күләш Айтжанова апамыз болса "Nur Otan" партиясы бүгінде өзіндік дәстүрі, қол жеткен табысы мен тәжірибесі, қатары қалың жақтастары бар партия екендігін атап өтіп, алдаға науқанда қолдау білдіретіндігін жеткізіп, барша Қазақстандықтар бейбіт өмір, тұрақтылық пен жарқын болашақ үшін дұрыс таңдау жасап, дауыс беруге шақырды.