ӘЧ: Гүлназ Наурызова екінші орынға тұрақтады
Қоссайыстың нәтижесінде қазақстандық спортшы 196 ұпайды иеленді (91+105).
Оңтүстік Кореялық спортшы Ие Ра Ким 201 келі нәтижемен оқ бойы озық шықты. Үшінші орынға испаниялық спортшы Ирен Мартинес Сантьяго 192 (90+102) тұрақтады.
Гүлназ Наурызова — Израильде өткен ауыр атлетикадан студенттер арасындағы әлем чемпионатының қола жүлдегері, 2013 жылы Азия чемпионатында 5-ші орын иеленген.
Бүгін сондай-ақ 63 келіге дейінгі әйелдер арасында «В» тобының мықтылары да анықталды. Олар — ресейлік Надежда Лихачева мен мысырлық Сара Саид Ахмет. Айта кету керек, аталған салмақ категориясы бойынша негізгі сайыс «А» тобында жалғасады. Ертең кешкі сағат 16:00-де 63 келі салмақ санатында қазақстандық ауыр атлет Карина Горичева әлемнің азулы спортшыларымен бәсекеге түседі.