ӘЧ-2014: АҚШ құрамасы Португалиядан бiр ұпайды жұлып алды
Бүгiн Бразилияда футболдан әлем чемпионатында АҚШ командасы португалиялықтармен тең ойнады.
Бұл ойында сөзсiз Португалия құрамасы фаворит болған. Осы атақты олар бiрiншi таймда 5-минутта-ақ ақтап, ойында есеп те ашқан болатын. Оның авторы — Нани.
Дегенмен, екiншi таймда 63-минутта америкалық футболшы Джермейн Джонс есептi теңестiрсе, 81-минутта Клинт Дэмпсей өз құрамасын алға шығарды. Алайда бұл есептi олар ұстай алмады, 95-минутта Варела есептi 2:2-ге жеткiздi.
Осылайша G тобында АҚШ командасы сенсациялық жағдайда 4 ұпаймен Германиямен бiрге көш бастауда. Одан кейiн 1 ұпаймен Гана мен португалдықтар тұр.
Автор: Жасұлан Жолдыбаев 
Басты сөздер: Спорт , Футболдан Әлем чемпионаты-2014
АСТАНА. ҚазАқпарат