Браконьерлікпен күрес шаралары жөнінде
2014 жылдың 10 наурызында Солтұстік Қазақстан облысының Аққайың ауданында орналасқан Смирнов ерекше қорғалатын табиғи аумағында облыстық ішкі істер департаментінің табиғатты қорғау полициясының қызметкерлері «Ямаха» қарда жүргіш көлігін пайдалана отырып, сібір еліктерін заңсыз аулаған Петропавл қаласы мен Астраханка ауылында тұратын екі азаматты ұстады.
Тексеру барысында 11 сібір елігі, 12 калибрлі 2ИЖ-58МА мылтығы, 16 калибрлі тіркелмеген аңшылық қару, 16 калибрлі қос қауыз мылтық, балта, пышақ, «Ямаха» қарда жүргіш көлігі табылып, тәркіленді.