Болашақ дәрігерлер оқитын пәндер

Бүгін қолыма бір студенттің оқудағы үлгерімі туралы анықтамасы (транскрипт немесе дипломға қосымша) түсті.

Еліміздің жоғарғы оқу орындарының бірінде «Стоматология» мамандығы бойынша білім алып жүрген бірінші курс студенті.

Анықтамаға сенсек, ол биомедицина негіздері, медициналық химия, молекулалық биология және т.б. пәндерден дәріс алған екен.

Аталған пәндерді көріп таң қалған мен жоқ, өйткені болашақта тіс дәрігері болатын студенттің нені оқуы қажеттігінен хабарым жоқ.

Таң қалғаным, қазір студенттерге «Мәңгілік ел құндылықтары» деген пәннен де дәріс береді екен! Осындай бір жеке пәннің пайда болғанына таңдандым.

Әлде таңданғаным орынсыз ба? Болашақ тіс дәрігері болатын студенттердің нені оқуы тиіс екендігін мен білмеймін ғой...