Вашингтонда WBA нұсқасы бойынша жартылай ауыр салмақта суперчемпион қазақстандық Бейбіт Шүменов пен осы салмақта IBF нұсқасының чемпионы америкалық Бернард Хопкинстің жекпе-жегі өтті. Бұл кездесуде америкалық спортшының мерейі үстем болды, деп хабарлайды sports.kz.

Қарсыластар 12 раунд бойы күш сынасты. 11-ші раундта Хопкинс  қазақстандық боксшыны нокдаунға жіберді. Төреші Эрл Браун есеп ашты, алайда Бейбіт бірден орнынан тұрды. Нәтижесінде төрешілер америкалық спортшыны жекпе-жектің жеңімпазы деп атады.

Кәсіпқой рингте 55-ші рет жеңіске жеткен Бернард Хопкинс Әлем бойынша бокс тарихындағы жасы бойынша ең үлкен чемпион болып танылды. Айта кетейік, Хопкинстің жасы 49-ға келді.

Басты сөздер: Спорт

АСТАНА. ҚазАқпарат