Батысқазақстандық каратэші Грузияда өткен халықаралық турнирдің жеңімпазы атанды
Батысқазақстандық Дархан Темірәлиев Тбилиси қаласында 24-26 мамырда жастар арасында каратэ-додан өткен халықаралық турнирде жеңімпаз атанды.
Облыстық дене шынықтыру және спорт басқармасының баспасөз хатшысы Екатерина Литвякованың хабарлағанындай, аталмыш жарысқа әлемнің отыз елінен таңдаулы каратэшілер қатысқан. БҚО-дан Қазақстан құрамасы сапында Д.Темірәлиевпен бірге Данил Титов, Әлихан Ақжолов және Бекарыс Елемесов өнер көрсетті. Он төрт жасар Дархан 50 келі салмақта финалда франциялық қарсыласын ұтты. Оның бапкері — Ринат Мерғалиев.
Тағы бір батысқазақстандық каратэші Данил Титов 76 келі салмақта күміс жүлдені иеленді. Данил — каратэ-до шотоканнан Қазақстан чемпионы, жастар арасында 2013 жылы Дубайда өткен Азия біріншілігінің қола жүлдегері, сондай-ақ өткен жылы Испанияда өткен әлем чемпионатына қатысқан.
Автор: Елжан Ералы
Басты сөздер: Батыс Қазақстан облысы , Спорт
ОРАЛ. ҚазАқпарат