«Барыс» командасының Астанадағы ойындарына билеттер сатыла бастады
Ертең «Барыс» хоккей клубы өзінің ҚХЛ-дың 2014/2015 маусымындағы алғашқы ойындарына билеттер сата бастайды, деп хабарлайды клубтың ресми сайты.
«29 тамыздан бастап «Барыс» командасы ҚХЛ-дың 7-маусымындағы өз алаңында өтетін алғашқы ойындарына билеттерді сатылымға шығарады», — делінген хабарламада.
Елордалық командаға мына клубтар қарсылас атанбақ:
4 қыркүйек — «Салават Юлаев»
6 қыркүйек — «Амур»
8 қыркүйек — «Адмирал»
10 қыркүйек — «Витязь»
Билеттердің құны 1000 және 1500 теңге аралығында. Сонымен қатар интернет арқылы билеттерді сатып алуға болады.
Автор: Жасұлан Жолдыбаев