Соңғы кездері Алматы шаһары мен еліміздің өзге де қаларының көшелерінде мынадай мәтіндегі билбордтар толып кетті: «Елбасымыз – кемеңгер, Көші түзу, кемел ел». Қалай дегенмен алда сайлау келеді. Мұндай жарнамалық билбордтардың өзіне арналғанын қаламайтын үміткер жоқ шығар. Сайлауға қатысуға тілек білдірген үміткерлердің штабтары осы тектес ұрандардың қандайын ілер еді деген сұрақ бізді өте қызықтырды. Мүмкін осылай болар деген оймен әзіл-шыны аралас бірнеше нұсқасын ойластырдық. Сіздер де ойланып көріңіздер, құрметті оқырман.
Болат Әбіловке арналған билбордта
«Болат-Бутя – кемеңгер,
Қалғандары - жемеңгер»
Амантай қажы Асылбекке арналған билбордта
«Амантай қажы кемеңгер,
Байсыз қалам демеңдер»
Мұсағали Дуамбековке арналған билбордта
«Дуамбеков – кемеңгер,
Кім екенін білмейді ел»
Серікжан Мәмбетәлинге арналған билбордта
«Мәмбеталин – кемеңгер,
Алтыншашқа әмеңгер»
Сәлім Өтенге арналған билбордта
«Сәлім Өтен – кемеңгер,
Кім еді ол демеңдер»
Оларға жауап ретінде ілген шенеуніктердің билбордында
«Елбасымыз – кемеңгер,
Өзгелерің жемеңдер!»