«Қазконтент» АҚ Байланыс және ақпарат қызметкерлері күніне арналған спорттық турнирлер өткізеді

«Қазконтент» АҚ 28 маусымда атап өтілетін Байланыс және ақпарат қызметкерлері күніне орай волейбол мен футболдан турнир ұйымдастырады.

22 маусымда сағат 9:30-да «Алатау» спорт кешенінде әйелдер арасында «Қазконтент» АҚ кубогы үшін волейболдан жолдастық кездесу өтеді. 2 команда – «Қазконтент» АҚ мен «Интерфакс-Казахстан» ақпарат агенттігі құрамасы қатысуға ниет білдірді.

29 маусымда сағат 9:30-ден 14.00-ге дейін «Алатау» спорт кешенінде ерлер арасында футболдан турнир өтеді. Ойындарға 8 команда – «Қазконтент» АҚ, «Хабар», «24.kz», «Қазақстан», «KzSport» арнасы, «Керек Инфо» еркін блог жүйесі, «Егемен Қазақстан», «Астана Ақшамы» газеті құрамасы қатысады.

Турнирлерге қатысуға ниет білдірушілер [email protected] электронды мекенжайына өтімдерін жібере алады.