01:04, 28 шілде 2014

«Азаматтық хал актiлерiн тiркеу туралы қайтадан куәлiктер немесе анықтамалар беру»

Мемлекеттiк қызмет көрсету кезiндегi уақыт бойынша шектеу мерзiмдерi:

Ø Тұтынушы жүгiнген кезде мемлекеттiк қызмет көрсету мерзiмi қажеттi құжаттар уәкiлеттi органға түскен күннен бастап 5 күнтiзбелiк күн, азаматтық хал актiсiн басқа аумақтық бiрлiкте тiркеген жағдайда, тұтынушыны хабардар ете отырып, қызмет көрсету мерзiмi 30 күнтiзбелiк күнге дейiн ұзартылады (құжаттарды қабылдаған және берген күндер мемлекеттiк қызмет көрсету мерзiмiне кiрмейдi).

Мемлекеттiк қызмет көрсету үшiн Қазақстан Республикасының «Салық және бюджетке төленетiн басқа да мiндеттi төлемдер туралы» кодексiне сәйкес мемлекеттiк баж белгiлендi, ол:

Ø азаматтық хал актiлерiн тiркеу туралы куәлiктi қайтадан бергенi үшiн 1 айлық есептiк көрсеткiш мөлшерiн;
Ø азаматтық хал актiлерiн тiркеу туралы анықтама бергенi үшiн айлық есептiк көрсеткiштiң 0,3 мөлшерiн құрайды.

Мемлекеттiк банк және мемлекеттiк алым Қазақстан Республикасы банк мекемелерi арқылы тиiстi жергiлiктi бiрлiктiң салық комитетiнiң есеп айырысу шотына төленедi, онда төлем құжаттар берiледi (төлем мөлшерi мен уақытын растайтын түбiртек немесе «электрондық үкiмет төлем шлюз» арқылы берiлген төлем туралы чек).

Мемлекеттiк қызметтi алу үшiн тұтынушылар:

Ø куәлiктердi қайтадан беру және анықтама жөнiндегi белгiленген нысандағы өтiнiштi;
Ø өтiнiш иесiнiң жеке басын растайтын құжатты;
Ø мемлекеттiк баж төленгенi туралы түбiртектi ұсынады.

Қайтыс болуы туралы куәлiктерден басқа, азаматтық хал актiлерiн тiркеу туралы қайталама куәлiк тиiстi акт жазбасы жасалған адамдарға, сондай-ақ өкiлдiк үшiн жазбаша (нотариалдық куәландырылған сенiмхат) сенiм бiлдiрген (сенiм бiлдiрген) өкiлеттiк берiлген басқа тұлғаға (сенiм бiлдiрген өкiл) осы тұлғадан (сенiм бiлдiрушiден) берiледi.

Қайтыс болуы туралы қайталама куәлiк қайтыс болған адамдардың мұрагерлер тiзiмiне енетiн туыстарына берiледi.

Осы тақырып бойынша