Қазақстанның футбол құрамасы Тәжікстан командасымен жолдастық кездесу өткізеді, деп хабарлайды ҚФФ баспасөз қызметі.

Еуро-2016 чемпионатына дайындық ретінде өткізілгелі отырған матч 12 тамыз күні Алматының Орталық стадионында болады. Басталуы — Астана уақыты бойынша сағат 19:30-да.

Қазақстан футболшылары осы уақытқа дейін Тәжікстан құрамасымен үш рет ойнағандығын айта кеткен жөн. Екі кездесу қазақстандықтардың пайдасына шешілсе, бір матчта тең ойын тіркелді.

Бұдан бұрын хабарлағанымыздай, Қазақстан құрамасы 5-13 тамыз күндері Талғарда оқу-жаттығу жиындарын өткізбек. Команда Еуро-2016 чемпионатының іріктеу сынына дайындалуы тиіс. Құраманың бас бапкері Юрий Красножанның кеңейтілген тізімінде 41 футболшы бар.

АСТАНА. ҚазАқпарат - Автор: Жасұлан Жолдыбаев