Финляндия кәрі құрлықтағы сенімді серіктестеріміздің бірі.
Тіпті ауқымды инвестиция тартылған Еуропадағы екінші мемлекет. Бүгін еліміздің Сыртқы істер министрі Ерлан Ыдырысов Финляндия Сыртқы сауда және даму министрі Ленит Тойваккамен кездесуінде осылай деп мәлімдеді. Тараптар ынтымақтастық аясын одан әрі кеңейту жайын жан-жақты талқылады. Осы мақсатта олар «жасыл» экономика саласында бірлескен жобаларды жүзеге асыруға уағдаласты.