Қазақстанға пиғылы теріс орыс тұлғаларына неге жалбақтай береміз?

Қазақстан Тәуелсіздік алғалы қазақтың тәуелсіздігіне, дербес ел болуына күмәнмен қарайтындардың қарасы жыл өткен артып барады. Біздің егемендігімізге, еңсе тіктегендігімізге қырын қарап, тұтасқан елдің арасына ши жүгірткісі келетін жау алыстан емес, тұп-тура көрші Ресейден шығып отырғаны баршамызға белгілі.

Біз бұған дейін Алматыда туып өсіп, Алматының суын ішін, дәмін татып, «қазақстандықпын» деп жүрген Жириновскийдің талай «еркелігін» көтердік. Қазақстан жайлы небір сандырақтарды айтқан оның сөздеріне біз ақыры «жырындының жыры» деп мән бермеуге айналдық. Жириновский «қазақтың территориясы Жетісу аумағымен ғана шектеледі, қазақта жер болмаған. Қазақ деген ұлт болмаған. Ол рулық деңгейінде ғана қалып қойған тайпа одағы» деп бүкіл ұлттығымызға, халықтық сипатымызға нұсқан келтіріп, намысымызға тиіп жатқанда біз Ресейге нота жіберуге де жарамадық. Тек оны Қазақстанға енуіне тыйым салынған тұлғалардың қатарына қостық та қойдық. (жалғасы мұнда: mtdi.kz)