Аймалауға құмартамын шашыңды (Сүйіктіме)

Алма бетті кішкентайым, асылым,
Маған қарап күлімдейсің жасырын.
Көздеріңнің мөлдірінен айналып,
Асау өзен көңіліммен тасыдым.

Қолдарыңның нәзіктігін сезініп,
Қабағыңнан көңіліңді тез ұғып.
Сені ойлаумен таң атқанда оянам,
Сені ойлаумен күн батқанда көз іліп.

Ыстық ернің таңба болып басылды,
Шаттық сезім бүршік атып ашылды.
Ай мүсінді келбетіңе бір қарап,
Аймалауға құмартамын шашыңды.

Daure6 (c)