Ашық әкімдіктің жұмысы назарда
Ашық әкімдік - бір терезе қағидаты бойынша консультациялар алуға және жергілікті атқарушы органдар ұсынатын мемлекеттік қызметтерді, сонымен қатар шағым қалдыру мүмкіндігін ұсынады. Азаматтардан келіп түскен мәселелері бойынша, әкімдіктің тиісті бөліміне жіберіліп жедел түрде жауап алуға мүмкіндік береді.
Жер қатынастары, сәулет және қала құрылысы, жолаушылар көлігі және автомобиль жолдары, жұмыспен қамту, әлеуметтік бағдарламалар және азаматтық хал актілерін тіркеу, тұрғын үй-коммуналдық шаруашылық және тұрғын үй инспекциясы жұмыстары бөлімдерінің мамандары тұрғындардың туындаған сұрақтарына тікелей жауап бере алады.
Бақылау барысында, ағымдағы жылы ашық әкімдікте бүгінгі күнге дейін 5676 азаматтар қабылданды. Оның ішінде 3035 адамға кеңес беріліп, 2636 азаматқа мемлекеттік қызмет көрсетілді және 5 адам өтініш білдірді. Айта кетсек, көпшілік тұрғындар жер мәселесі және тұрғын үй-коммуналдық шаруашылық және тұрғын үй инспекциясы бөлімдердің жұмыстары бойынша өтініш білдіреді.
Іс-шара соңында Д. Дайырова ашық әкімдіктің қызметін жоғары бағалап, қызметкерді адалдыққа, парасаттылыққа және ең бастысы қоғамда сыбайлас жемқорлыққа мүлдем төзбеушілікті қалыптастыруға шақырды.