Қаржы полициясы шетелге жалпы құны 1 620 000 долларды құрайтын тепловоздарды заңсыз шығарудың фактісін анықтады

Ағымдағы жылғы 6 желтоқсанда Қостанай облысының  қаржы полициясы қызметкерлері «Желдоркомпания» ЖШС лауазымды тұлғаларына қатысты қылмыстық іс қозғалды.

Оларға жөндеуге деген желеумен Ресей Федерациясының Брянск облысына ТЭМ–18 маркалы 2 тепловозды сату үшін заңсыз шығарды деген күдік тағылуда. Ол үшін жалған құжаттар дайындалып, зауыт номерлері өзгертілген.

Бұл техника «Желдоркомпания» ЖШС мен акцияларының бақылау пакеті «Самұрық қазына» ұлттық әл-ауқат қорына тиесілі «Альянс банк» АҚ арасында жасалған қаржылық лизин келісімі бойынша кепілзат болып табылады.

Қылмыстық іс тергелуде, нәтижелері жұртшылыққа жеткізілетін болады.