Ардагерлер төлемақыдан босатылады

Аудан орталықтарындағы ардагерлер үйінің қызметін жандандыруға да жергілікті бюджеттен қаржы қаралатын болды. Бұл туралы Атырау об­лысының әкімі Бақтықожа Із­мұхамбетов республикалық «Ардагерлер ұйымы» қоғамдық бірлестігінің құрылғанына 25 жыл толуына орай ұйымдас­ты­рылған салтанатты шарада мәлім етті.
Ардагерлердің көкейінде жүрген өзекті мәселелер айтыл­ған салтанатты шарада аймақ басшысы атыраулық ақсақал­дарға алдағы уақытта Кавказ-дағы «Қазақстан геологы» пан­сио­натында денсаулығын оңалтуға барлық жағдай жаса­латынын айтты.
- Ардагерлер ұйымы осы жыл­дардың ішінде Елбасы Н.На­зарбаевтың баянды бас­тамасының қолдаушысы, тә­уелсіздігіміздің тұғырлы бо­луында сенімді серіктесі болды.Келер жылдан бастап соғыс ар­дагерлерінің тұрғын үй ком­му­налдық шаруашылығы ком­му­налдық шығындары жер­гі­лік­ті бюджет есебінен толығымен өтелетін болады. Екіншіден - аудан орталық­тарында арда­герлер үйлерін жасақтап, үшін­шіден ардагерлер ұйымына тұрақты көмек көрсетуді қолға алғалы отырмыз, - деді облыс әкімі Бақтықожа Ізмұхамбе­тов.
Қазіргі таңда облыста Ұлы Отан соғысына қатысқан 156 ардагер бар.

Тұрсын ҚАЛИМОВА

Атырау облысы