Қарағанды облысында өрт салдарынан бір үйдің 4 баласы көз жұмды
Қарағанды облысы Қарқаралы ауданының Талды ауылында 2 пәтерлі бір қабатты тұрғын үйде 10 шаршы метр жер өртенді.
Иллюстрациялық фото: "Патриот" Telegram-арнасынан скриншот
Өрттің салдарынан 2019, 2020, 2021, 2022 жылдары туған 4 бала қайтыс болды. Өрт шыққан кезде балалар үйде өздері болған.
Зардап шеккен отбасыға жергілікті атқарушы органдар мен тұрғындар тарапынан барлық қажетті көмек көрсетілуде.
Өрт фактісі бойынша қылмыстық іс қозғалды, тергеу іс-шаралары жүргізілуде, сараптамалар тағайындалды.
Оқиғаның себептері мен жағдайлары анықталуда.