Аптаның қызықты материалдары #16
"Менің атым Қожа" театрда қойылды
Астана жастар театры биылғы маусымын жапты. Елордадағы су жаңа Оқушылар сарайында «Көзіме бір көрінші бала ғашық» қойылымының шымылдығы түрілді. Б.Соқпақбаевтың «Менің атым Қожа» повесінің негізінде сахналанған шығармаға режиссер Нұрқанат Жақыпбай «сағыныш» деген жанрды таңдапты. Расында да...
Қойылым естелік, ностальгия сарынында. Өткен күнге деген тәтті сағыныштың құрсауында отырасыз. Шындығында, бәріміздің ішімізде бір-бір Қожа қалғып кеткен. Бәріміз де Қожа болғанбыз. «Менің атым Қожа» – кез келгеніміздің балалық шағымыз жайлы шығарма. Осыны режиссер жақсы түсінеді. Сондықтан сахнаға бір емес, бірнеше Қожаны бір мезетте шығарады. Бәрі бір кеңістікті теңдей бөлісіп, сапырылысып жүргені. Біреуі бастаған әңгімені екіншісі іліп әкетеді (толығымен).
Сені іздедім қаладан, Сені іздедім даладан, Жоқсың сен...
- Біз тоқсаныншы жылдардың басында жастардың сауық кештерінің бірінде таныстық. Бір қалада тұрғандықтан, екеуміздің ортақ достарымыз бар болып шықты. Алғаш көрген кезде бірден көзіме жылы ұшырады. Бұрын бір жерден кездестірген сияқтымын. Бірақ дәл сол сәтте «Бақытжан Жұмаділов деген кім еді?» деп қанша ойлансам да есіме түсіре алмадым. Тек үйге келгеннен кейін «Дос-Мұқасан» ансамбілінің мүшесі екенін сұрастырып білдім. Оған дейін мен оны 8 жасымда балалар емханасында ұлы Дәуренмен кезекте отырғанын көргенім ойыма сап ете қалды. Қайта сол кезде теледидарға күнде шығып жүрген артисті жазбай танығанмын.
Не керек, екінші рет оқу бітіріп, жұмыс істеп жүрген кезімде қайта жолықтырдым. Көп ұзамай, 1992 жылы екеуміз шаңырақ көтердік. Ол үнемі «Сен маған 8 жасыңда ғашық болып қалғансың. Сөйтіп, мені күтіп жүрдің ғой» деп қалжыңдайтын. Қазір Назым, Жанель есімді екі қызымыз бар (толығымен).
Ашқарақ буржуазия немесе қалтасы қалың, мәдениеті жұқа қазақ байлары
Жақында ғана «Forbes Kazakhstan» журналы қазақстандық елу байдың атын мәшһүр етті. Қуанғанымыз – араларында қазақ көп екен. «Бермесе де бай жақсы, жемесе де май жақсы». Көгала қағаздары бірнеше миллиард долларлардан басталып, неше ондаған миллиондармен аяқталатын қаржы алпауыттары біздерді бір арқаландырып тастағаны анық.
Бірақ, ел құлағын елеңдеткен елу байдың есімі, өздерімен бірге тағы бір сұрақтың құлағын қалқайтты. Иә, бізде байлардың қарасы аз емес екен. Әйтсе де, олар ел мүддесін, ұлт болашағын ойлайтын ұлттық буржуазия міндетін атқара ала ма? Қысқасы, дәл бүгін:
- Қазақта ұлттық буржуазия бар ма? (жалғасы)
Студент ақындар айтады
Қонақта әл-Фараби атындағы ҚазҰУ-нің журналистика және филология факультеттерінің студенттері: Жақсылық Қазымұрат, Қозыбай Құрман, Нұртас Тұрғанбекұлы, Шерхан Талап, Айбол Исламғалиев, Аслан Тілегенов, Өмірбек Сансызбаев, Бекзат Смадияр, Әріби Әлібек.
– «Жастардың әдебиетке келуі – жанкештілік» деп еді белгілі жазушы Дидахмет Әшімханұлы. Сіздердің «жанкешті» болуларыңызға не түрткі болды? Әлде жүректеріңізден өлең өзі тулап шыға ма (жалғасы)?
Қазақ баласының назары «Балапанға» ауса...
«Тағдыр таразысының қалай қарай ауатыны, бесіктің қалай тербелуіне байланысты» деген екен поляк ойшылы Станислав Ежи Лец. Демек, балаға жай бала деп қарау, қоғамның өз болашағына ойыншық деп қарағаны. Шүкір дерлік бір жағдай, бүгінде бауыр еті балаларымызға арналған «Балапан» атты таза қазақ тілінде сөйлейтін телеарнамыз бар. Ашылғанына екі жылдай уақыт болды. 1 маусым – Халықаралық балаларды қорғау күніне орай біз осы арнаның директоры Ләйла Сұлтанқызымен сұхбаттастық.
– Қазақ көрермені өзіңізді бұры «Супер стар» байқауында қазақы мүдделі әділ қазы деп, кейінірек «Хит тв» секілді арнаның басшысы, сосын осы «Балапанның» жүргізушісі деп танитын. Енді таяуда «Балапанның» басшысы болдыңыз. Олай болса, әңгімені қазақ баласының алғашқы арнасына хош келдіңіз деп бастасақ (жалғасы).
Қазақстандық "Студент" фильмі Каннда сәтті картина деп танылды
Отандасымыз Дәрежан Өмірбаевтың "Студент" фильмі Канн фестивалінде көпшіліктің көңілінен шығып, мамандар картинаға ерекше туынды деп баға беріп отыр.
Киносыншы Дэниал Касманның ұйғаруымен аталған фильм Top Picks рейтінгісінде алғашқы орынға тұрақтады. Осымен 65-ші рет өткізіліп отырған фестиваль туралы көлемді мақала жазған сыншы: "Кино әлемі материалист режисердің көзқарасымен шектеліп қалмайды. Әр адам өмірге деген өзіндік көзқарастары мен фантазиясын қосуға құқылы. Осы тұста Дәрежан Өмірбаевтың туындысы шынайылығымен, оригиналдығымен, тереңдігімен ерекшеленді", -деп ықыласын білдіріпті (жалғасы).