Алматыда «Отбасы күніне» орай өтетін велошерудің маршруты өзгертілді
12 қыркүйек күні Алматыда «Отбасы күні» мен «Тур Алматы — 2014» кәсіби веложарысын қолдау аясында өтетін велошерудің маршруты өзгертілді. Бұл туралы қалалық әкімдіктің баспасөз қызметі хабарлады.
«Велошеруге қатысушылар кешкі сағат 20.30-да Республика алаңында жиналып, 21.00-де қозғалысты бастайды. Сәтбаев көшесімен жүріп отырып, Розыбақиев көшесіне түседі. Мәре сызығы «Мега-2» сауда үйінде аяқталады», — делінген хабарламада.
Ұйымдастырушылар велошеруге қатысушыларға жарыс аяқталған соң түрлі сыйлық үлестірілетіндігін де айтып өтті.
Автор: Гүлмира Ғосманәли