Алматы облысының Антикоры мен Жетісу университеті арасында ынтымастық туралы меморандумға қол қойды
2021 жылдың 3 қараша күні ҚР Сыбайлас жемқорлыққа қарсы іс-қимыл агенттігінің Алматы облысы бойынша департаменті мен І. Жансүгіров атындағы «Жетісу университеті» КЕ АҚ арасындағы ынтымақтастық туралы үлгілік жоспарға қол қою іс-шарасы өтті.
Қойылған құжаттың мақсаты екі тарап бірлесіп университет білімгерлерінің сыбайлас жемқорлыққа қарсы сананы қалыптастыру, экономикалық –құқықтық сауаттылығын арттыру болу табылады.
Іс-шара барысында ҚР Сыбайлас жемқорлыққа қарсы іс-қимыл агенттігінің Алматы облысы бойынша департаментінің басшысы Ернар Әбсейітұлы Мақажанов өзінің баяндамасын тарқатып айтты. Баяндама барысында облыс аумағында сыбайлас жемқорлыққа қарсы атқарылып жатқан іс-шараларды баяндап, жастар арасында жемқорлыққа қарсы иммунитетті қалыптастыру маңыздылығын айтып өтті.
Сондай-ақ, сыбайлас жемқорлыққа қарсы заңнаманы реформалау шеңберінде мемлекеттік ұйымдарда сыбайлас жемқорлыққа қарсы саясатты іске асыратын және корпоративтік адалдық стандарттары мен сыбайлас жемқорлыққа қарсы заңнама нормаларын сақтауға жауапты "комплаенс-офицерлер" жаңа лауазымдары енгізілуде екендігінін және бүгінде облыстың 200-ден астам мемлекеттік ұйымдарында осы лауазымдар енгізілген екендігін хабарлады.
Университет білімгерлері атынан «Sanaly student» студенттік ұйымның жетекшісі, Жастар орталығының үйлестірушісі Мұрат Шұғыла Асхатқызы студенттер атынан сөйледі.
Іс-шараға университет басшылығы, құрылымдық бөлім басшылары, белсенді білімгерлер қатысты.