Адалдық, әділдік, парасаттылық құндылықтарын нығайтуға қосқан үлестері үшін студенттер марапатталды
Бүгін, халықаралық студенттер күніне орай, І.Жансүгіров атындағы Жетісу Университетінде «Студенттік қызық мол жылдар» атты мерекелік кеш ұйымдастырылды.
Мерекелік шараға Қазақстан Республикасы Сыбайлас жемқорлыққа қарсы іс-қимыл агенттігінің Алматы облысы бойынша департаменті басшысының бірінші орынбасары Жандос Жұмабаев қатысты.
Жыл бойы іс-шараларға белсене қатысқан студенттерді, сондай-ақ сыбайлас жемқорлыққа қарсы саясаттың іске асырылуына және қоғамда адалдық, әділдік, парасаттылық құндылықтарын нығайтуға қосқан үлестері үшін білімгерлерді арнайы алғыс хаттармен марапаттады.