Абылай Мырзахметов: Шалғайдағы жастар жаһандық компанияларға IT-қызметтерін көрсете алады
ҚР «Атамекен» КП және «Нұр Отан» партиясы ІТ мамандарын даярлау, ШОБ қолдау және білім беру саласын жетілдіру бойынша жаңа жобаларды іске қосады. Бастамалар «Рухани жаңғыру» бағдарламасы аясында бейінді министрліктермен бірлесе жүзеге асырылады.
Бұл туралы Орталық коммуникациялар қызметінің брифингінде мәлім болды. Бірлескен бастамалардың бірі бағдарламалау және робототехника негіздерін тереңдетіп зерделеу үшін бүкіл ел бойынша мыңға жуық тегін IT-класстардың ашылуы болып табылады. Жоба жыл сайын 8 жастан 16 жас аралығындағы 150 000 баланы оқытады. Мектеп оқушылары еуропалық білім беру стандарттарына сәйкес қарапайым алгоритмдер жасау, бағдарламалар жасау және WEB-сайттар жасау дағдыларына ие болады, IT-класстар IT-startups Astana Hub-ның халықаралық технологиялар паркімен біріктіріледі.
«Цифрландыру - жаңа технологиялар туралы ғана емес. Ең бастысы – кадр мәселесі. Мұндай бірлескен бастама өте өзекті іс. Ол адами капиталды дамытуға бағытталған және әрбір кәсіпкер оны жүзеге асыруға үлес қосады», - деді «Атамекен» кәсіпкерлер палатасының басқарма төрағасы Абылай Мырзахметов.
«Нұр Отан» партиясы төрағасының бірінші орынбасары Мәулен Әшімбаев атап өткендей, оқыту халықаралық әдістерге сәйкес жүргізіледі. Бұл үшін жобаға бірқатар үкіметтік емес ұйымдарды тарту жоспарланып отыр.
«Ең маңыздысы, сыныптарды құру, жабдықтарды сатып алу, мұғалімдерді қаржыландыру «Туған Жер» кіші бағдарламасы аясында бизнес-қауымдастық есебінен жүзеге асырылады. Жоба шағын мектептер мен ауылдық жерлерде оқитын балаларға арналған цифрлық икемділік пен білімді жетілдіру мәселесін шешеді», - деді Мәулен Әшімбаев.
Бұдан басқа, «Атамекен» ұлттық палатасы мен «Нұр Отан» мемлекеттік қолдауымен қарапайым азаматтардың цифрлық сауаттылығын арттыру және білікті ІТ мамандарын дайындау үшін Қазақстанда шамамен 20 IT-орталық ашуды жоспарлап отыр.
Бірлескен жұмыстардың тағы бір бағыты мектеп асханаларын жаңғырту болады. Мәулен Әшімбаевтың айтуынша, «бүгінгі таңда мектептегі тамақтану сапасына белгілі бір қателіктер бар, барлық мектептерде стандарттар сақталмайды». Жоба шеңберінде осындай стандарттарды енгізу жоспарлануда, ал «Нұр Отан» мектептегі тамақтану сапасына қоғамдық бақылауды жүзеге асырады.
Сондай-ақ, Ұлттық Палата мен «Нұр Отан» ХДП және Ақпарат және байланыс министрлігімен бірлесе геоақпараттық онлайн-сервисті жасайды, онда коммерциялық мақсатта жер туралы ашық ақпарат болады. Бұл ресурс аймақтардағы кәсіпкерлік бастаманы күшейтуге және учаскелерді бөлуге сыбайлас жемқорлық факторларын болдырмауға мүмкіндік береді.
Ақпарат көзі