«Ақ орамал» акциясы Мақтаралда

Елбасының Вашингтон қаласында өткен Ядролық қауіпсіздік жөніндегі ІV самитте жарияланған «Әлем. ХХІ ғасыр» манифесін ілгерілету және Семей ядролық полигонының жабылуына 25 жыл толуын атап өту мақсатында ОҚО Қазақстан халқы Ассамблеясы жанынан құрылған Аналар кеңесі мен ОҚО әкімі аппараты «Қоғамдық келісім» КММ Мақтарал аудандық филиалының ұйымдастыруымен бүгін «Ақ орамал – бейбітшілік пен келісімнің бастауы» атты тақырыпта акция өтті.

Мақтарал ауданының халқын «Ақ орамал» акциясын өткізуге қатыстыру арқылы олардың этностық шығу тегіне, әлеуметтік, діни немесе т.б. ерекшеліктеріне қарамастан бейбітшілік идеясы аясына шоғырландыру – іс-шараның басты мақсаты болды. Дәл осы акцияның негізінде дана халқымыздың ежелгі дәстүрі – «татуластыру» салты алынған. Мәселен, әйел ананың басындағы ақ орамалын шешіп жауласушылардың ортасына тастауы олардың жанжалды тоқтатуына себеп болған.