Ақмолалық Дәурен Назаров қоян-қолтық ұрыстан әлем чемпионы атанды
Ақмолалық Дәурен Назаров қоян-қолтық ұрыстан әлем чемпионы атанды.
«Облыстық ІІД арнайы бөлімшесінде қызмет істейтін полиция лейтенанты Дәурен Назаров 55 салмақта Әлем чемпионы атанды. Турнир қазанның 16-21 күндері Перудің Лима қаласында өтіп, оған 17 елдің спортшысы қатысты», — деп хабарлады облыстық ІІД баспасөз қызметінен.
«Бұл жолғы турнир оңай болған жоқ. Соған қарамастан, үздіксіз жүргізген жаттығу мен жеңіске деген ерік-жігер мені чемпиондық атаққа жетеледі. Турнирде Ресей, Колумбия елдерінен келген қарсыластарым мықты болды. Ең қиын жекпе-жектерім де осылармен өтті», — дейді Әлем чемпионы.
Автор: Аслан Оспанов
Басты сөздер: Ақмола облысы , Спорт
КӨКШЕТАУ. ҚазАқпарат