Ақмола облысының алты аудан активтерінің қатысуымен мемлекеттік қызмет өткеру мен сыбайлас жемқорлыққа қарсы іс-қимыл мәселері бойынша аумақтық семинар-кеңес өтті

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Ақмола облысы бойынша Департаментінің (әрі қарай – Департамент )  2015 жылдың төрт айлық қызмет қорытындысы бойынша, а.ж. 30 сәуірінде Бурабай ауданындағы Щучинск қаласында Бурабай ауданаралық Мемлекеттік қызмет істері және сыбайлас жемқорлыққа қарсы іс-қимыл басқармасына қарасты Бурабай, Бұланды, Зеренді, Сандықтау, Еңбекшілдер аудандарымен  Степногорск қаласының  активтерінің қатысуымен аумақтық семинар-кеңес өткізілді.

Іс-шараның негізгі мақсаты Департаменттің 2015 жылдың 4 айы ішінде атқарған қызметін қорытындылап, халықтың мемлекеттік институттарға сенімін арттыруға бағытталған, мемлекеттік органдардың басымды бағыттарын айқындап,  мемлекеттік қызметтің оң имиджін қалыптастыруға,  сонымен қатар жемқорлықтың алдын-алуға азаматтық қоғамдық институттарды кеңінен тарту болып табылды.

Нәтижесінде  семинар барысында мемлекеттік аппараттың тиімді жұмыс істеуі, мемлекеттік көрсетілетін қызметтін сапасымен сыбайлас жемқорлыққа қарсы іс-қимылдағы саясаттың нәтижелері, сыбайлас жемқорлыққа қарсы жаңа  әдістер жайлы сындарлы диалог өтті.

Жоғарыда көрсетілген аудандардың, ауыл округтері әкімдері мен олардың орынбасары, жергілікті атқарушы органдардың басшылары, аудандық ҮЕҰ-дың, ЖҚБ-нің, Ақмола облысы кәсіпкерлер палатасының аудандық филиалдарының өкілдері және басқа да семинар-кеңеске қатысушылар жаппай Департамент ұсынған «Адал жол – Честный путь» атты сыбайлас жемқорлыққа қарсы облыстық марафонды қолдады, аталмыш марафон а.ж. екінші тоқсанының соңында өз бастауын алады.

Келесі шығыс ауданаралық семинар-кеңес Атбасар қаласында Атбасар, Астрахан, Егіндыкөл, Есіл, Жақсы, Жарқайын аудандары активтерінің қатысуымен өтеді.