Ақиқат ақтаңгерлері

Қай салада болмасын өзінің ақ адал еңбегімен халқына қалтқысыз қызмет еткен, қоғамда құрметке бөленіп, аты еліне танылған арда азаматтар арамызда әлі де баршылық. Әсіресе қазақтың құқықтық жүйесін қалыптастыруда бастауынан зерделеп ой кенін қазған ғұламалар, зайырлы мемлекет орнату жолында тер төгіп, ел қауіпсіздігін қорғаған азаматтар жайлы ел ішінде аңыздай естеліктер аз емес. Халық жадында жатталу - біртуар азаматқа деген жұртының ырзалығы болса керек. Аңыз емес, өзіміз дидарласып, арға да, заңға да адал болып, ақиқат іздеген халқының  бақытына тілеулес Ел ағалары - ардақтыларымыз туралы  айдарымызды  «Ақиқат ақтаңгерлері» деп атадық. Айдарымыздың алғашқы қонағы – еліміздің біртуар азаматтарының бірі, заңгерлер қауымы ұстазымыз деп бағалайтын ғалым-ұстаз, қылмыс әлеміндегі құйтұрқысы мен қиыр-шиыры көп, шырмауықтай ширатылған сирек мамандық - криминология саласының майталманы, атақ-дәрежесін санамалауға мақала беті жетпейтін елі таныған азамат – Арықбай Нүсіпәліұлы Ағыбаев. (жалғасы мұнда: mtdi.kz)