2020 жылға дейін елорда төңірегіне 100 мың гектар орман отырғызылады – Елбасы
www.inform.kz
2020 жылға дейін елорда төңірегіне 100 мың гектар орман отырғызылады. Бұл туралы бүгін Астананың жасыл белдеуін аралаған Елбасы Нұрсұлтан Назарбаев айтты.
«Барлығы да бұл ағаштар мұнда өспейді деп санаған еді. Бұл жер жарамсыз, тұзды дегендер де болды. Бірақ, біздің орманшылар мен ғалымдардың бірлесіп дұрыс әдіс табуы, тиісті көшеттерді іріктеуі нәтижесінде, жайқалған орман өсіп келе жатыр», – деді Мемлекет басшысы елордаға тақау тұстағы «Жасыл аймақ» РМК Қызылжар орман шаруашылығын аралау барысында.
ҚР Президентінің атап өтуінше, қазіргі таңда бұл орман алқабында 70 мың гектар аумаққа ағаш егілген.
«2020 жылға дейін 100 мың гектар жерге ағаш отырғызылады. Айта кетерлігі, бұл ЭКСПО-2017 көрмесін өткізумен байланысты», – деді Н. Назарбаев.