2014 жылдың 5–6 наурыз күндері Астанада табиғи капиталды үнемдеудің жаңа тәсілдерін қарастыруға бағытталып, ҚР ҚОСРМ Экологиялық реттеу және бақылау комитетінің аумақтық экология департаменттерінің басшылары мен орынбасарларына арналып ұйымдастырылған...
Семинарды ҚР Қоршаған орта және су ресурстары министрлігі мен «Жасыл Академия» ғылыми-білім беру орталығы бірлесіп ұйымдастырып отыр.
Еліміздің 2050 жылға дейінгі Стратегиясы мен Қазақстанның «жасыл» экономикаға көшуі жөніндегі Тұжырымдамасында қоршаған ортаға ықпал ету ауқымын азайту және табиғи ресурстарды ұтымды пайдалануды қамтамасыз ететін орнықты даму жолының нақты бағыттары белгіленген. «Жасыл» экономикаға көшу нормативтік-құқықтық базаны жетілдіру, адами капитал мен инновацияларды дамыту қажеттілігін көздейді. Қазақстанның «жасыл» экономикаға көшуі жөніндегі Тұжырымдамасы жаңартылатын энергия көздерін қолдау мен пайдалану жөніндегі заңнаманы жетілдіруге, су ресурстарын басқару жөніндегі Мемлекеттік бағдарламаны қабылдауға, қазақстандық көміртекті нарықтың жұмыс істеу негіздерін құруға жаңа серпін берді.