«100 нақты қадам» Ұлт жоспарының бірінші институционалдық реформасының аспектілері «тікелей эфирде» түсіндірілді

«100 нақты қадам» Ұлт жоспарының бірінші институционалдық реформасының аспектілері «тікелей эфирде» түсіндірілді
2015 жылғы 6 тамызда ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Қызылорда облысы бойынша департаменті басшысының орынбасары – Тәртіптік кеңес төрағасы М.О.Оразали «Қазақстан - Қызылорда» телеарнасының «Өзекжарды» бағдарламасының «тікелей эфиріне» қатысты.
Бағдарламаның басты тақырыптары «100 нақты қадам» Ұлт жоспарының «Кәсіби мемлекеттік аппаратты құру» атты бірінші институционалдық реформасы, Департаменттің негізгі міндеттері мен қызметтік бағыттары, I жартыжылдықта атқарған жұмыстары, мемлекеттік қызметті өткеру, Тәртіптік кеңестің жұмысы және сыбайлас жемқорлықтың алдын алу жөнінде болды.
«Қызметке деген адалдық, еңбексүйгіштік, Отанға деген патриотизм – Елбасының мемлекеттік қызметкерлер алдына үнемі қойып келе жатқан талабы екені мәлім. Енді осы талаптар мемлекеттік қызметтің есігін алғаш аттаған жас маманның бойына нақты қадамдар арқылы сіңірілмек.» - деп атап өтті М.Оразали.
Сонымен қатар, тікелей эфир барысында қойылған мемлекеттік қызметке тұру, мемлекеттік қызметшілердің құқықтары мен міндеттері, алдағы мемлекеттік қызметшілерді аттестаттау, еңбекақы төлеудің жаңа әдісі жөніндегі сұрақтарға жауап берілді.