Жаңа

"Nur Otan" партиясы Ақтау қалалық филиалы төрағасының бірінші орынбасары , депутаттыққа үміткер Дощанов Мұратбек Аралбайұлы қоғамдық қабылдау өткізді. Қабылдауға келген тұрғындардардың мәселелері тыңдалып, заңдылық тұрғыда кеңес берілді.

Бірнеше күн бұрын, әлеуметтік желіде қала тұрғыны балалар жұқпалы аурулар ауруханасыны суық деп шағым айтқан болатын. Бүгін "Nur Otan" партиясы жанындағы Партиялық бақылау комитетінің мүшелері Т. С. Лесниченко және Ш.А Гусейнов 1 а шағын ауданындағы жаңа инфекциялық модульдік орталығының аумағында орналасқан балалар жұқпалы аурулар ауруханасына барып, орталық басшысы Ш. К. Беркалиевпен кездесті. Кездесу барысында қала тұрғынының арызы негізінде ауруханадағы ахуалмен танысты. Орталық басшысының айтуынша, ғимараттағы максималды температура +28, минималды + 22-25. Сондай -ақ, құрылысшылардың кейбір кемшіліктері бар екені анықталды, алайда олар қалыпқа келтірілуде. Мұнда орын алған оқиға партияның бақылауында болмақ.

Үміткерлер үгіт - насихат жұмыстарын қызу жүргізуде.

«Есіктен есікке» акциясы аясында қалалық мәслихат депутаттығына үміткерлер М.Дощанов, Ш.Гусейнов, Е.Сыражанов және Т.Найзабеков қала тұрғындармен кездесіп, партияның сайлауалды бағдарламасының негізгі басымдықтарын таныстырды және ‘’Nur Otan’’ партиясын қолдауға шақырды.