ЖЕМҚОРЛЫҚҚА ҚАРСЫ КҮРЕСТІ КҮШЕЙТУ
Ағымдағы жылдың басынан бері Қазақстанда «Сыбайлас жемқорлыққа қарсы іс-қимыл туралы» жаңа Заң қолданысқа енгізілді. Бұл Заң Ұлт Жоспары «100 нақты қадамның» бірінші институттық реформа шеңберіндегі кәсіби мемлекеттік аппарат қалыптастыру жөніндегі 13- ші қадамынның шеңберінде қабылданды.
2015-2025 жылдарға арналған Сыбайлас жемқорлыққа қарсы стратегияның негізгі бағыттары жаңа Заңның негізіне салынған.
Мұнда сыбайлас жемқорлықтың алдын алу шаралары – атап айтқанда мемлекеттік органдардың жұмысындағы сыбайлас жемқорлық тәуекелдерін жою, сыбайлас жемқорлыққа қарсы сауаттандыру бойынша ауқымды жұмыс, халықпен, бизнеспен, азаматтық қоғаммен, БАҚ-пен және халықаралық институттармен белсенді түрде қарым-қатынас жасау басты бағыттар ретінде белгіленген.
А.ж. қараша айында Департамент Ақмола облысы бойынша ішкі істер департаментімен, және «Қазақстан» РТРК облыстық филиалымен бірлесіп Ұлт Жоспарының 13-қадамын жүзеге асыру аясында «Өзіңнен баста, азаматтық ұстанымыңды көрсет!» бейнеролигін түсірді.
