ТАБЫСТЫ ӘЙЕЛДЕР

Құрметті қазақстандықтар!

Өздеріңіз білетіндей, 10 желтоқсаннан бастап бүкіл республика бойынша партиялардың сайлау алдындағы үгіт жұмыстары басталды. Негізгі міндеті қоғаммен ашық диалог құру болып табылатын үгіттеу шеңберінде Мен сіздерді "Nur Otan" партиясының «Өзгерістер жолы: әр азаматқа лайықты өмір!» бағдарламасымен таныстыруды жалғастырғым келеді.

Бағдарламаның келесі тармағы еліміздің әйел азаматтарына арналған. Әйел адам – отбасының тірегі, демек мемлекеттің де тірегі. Елдің қоғамдық-саяси өмірінде әйелдердің рөлін арттыру, олардың қабілеттерін іске асыру үшін тең мүмкіндіктер жасау – біздің саясатымыздың басымдықтарының бірі.

• Әйелдерді өкілдік етуші органдарға ұсыну үшін «Nur Otan» өзінің партиялық қатарына кем дегенде 30% әйелдерді қосады.

• Атқарушы, өкілді, сот органдары басшылығындағы және квазимемлекеттік сектордағы әйелдердің үлесі 30%-ке дейін ұлғаяды.

• Әйелдер кәсіпкерлігін дамыту, бизнесті қолдау бағдарламаларының шеңберінде жеңілдікпен кредиттер және гранттар беру арқылы олардың экономикалық белсенділігін ынталандыру орталықтары ашылады.

• Өңірлер, қалалар мен аудандар бойынша жұмыспен қамту, базалық әлеуметтік қызметтерге, түрлі мемлекеттік қолдау шараларына қолжетімділік шегінде гендерлік қажеттіліктер мен сұраныстар картасы әзірленеді.

• Әйелдердің еңбегін қолдануға тыйым салынатын жұмыстар тізімін жою үшін заңдарға өзгерістер ұсынылады.