ТҮРКІСТАН–МАҚТААРАЛ: ҮМІТКЕРЛЕР САЙЛАУШЫЛАРМЕН ОНЛАЙН СҰХБАТТАСТЫ

Мақтаарал аудандық мәслихатының депутаттығына үміткер Ақмарал Тельходжаева, Ержан Сыдықов, Тұрсынхан Ақылбеков, «Nur Otan» партиясы Мақтаарал аудандық сайлауалды штабының төрағасы Досым Асабаев пен штаб мүшесі Меруерт Даубаева бекітілген жүйелік кестеге сәйкес «Ж.Нұрлыбаев» бастауыш партия ұйымының мүшелерімен және аталмыш округ тұрғындарымен ZOOM платформалық жүйесі арқылы жүздесті.

Онлайн форматта өткен шарада үміткерлер үгіт-насихат жұмыстарын жүргізіп, «Nur Otan» партиясының «Өзгерістер жолы: Әр азаматқа лайықты өмір!» сайлауалды бағдарламасындағы 7 басымдығына тоқталды. Аталмыш басымдықтар мен бағдарламалардың негізінде ауданның даму алгоритмі жасалғанын жеткізді. Атакенттіктермен әлеуметтік желі арқылы жүздескен үміткерлер игі істердің бастамашысы болып келе жатқан «Nur Otan» партиясын қолдап, дауыс беруге шақырды.

#BizBirgemiz

#JeńimpazBol

#Nur_Otan_Turkistan