ҚҰРЫЛЫС ҚАРҚЫНЫ ЖОҒАРЫ

Өз сөзінде ол өңірде атқарылып жатқан жұмыстарды баяндап берді.

Айталық, жергілікті бюджеттен 7 нысанның құрылысына 1 миллиард 216,9 миллион теңге бөлінген. Оның алтауының құрылысы аяқталып, келесі жылы біреуінікі бітпек. Қазіргі уақытта 887,0 миллион теңге игерілді.

– “Жұмыспен қамтудың жол картасы–2020» бағдарламасы аясында 10 нысанның құрылысына республикалық бюджеттен 3 миллиард 198,8 миллион теңге бөлінді. Бүгігде 1 миллиард 472,2 миллион теңге игерілді. 5 денсаулық сақтау мекемесіне күрделі және ағымдағы жөндеу жұмыстары жүргізіліп жатыр, – деді Арман Серікұлы. Сонымен қатар «Ауыл - Ел бесігі» жобасы аясында 2 нысанға 1 миллиард 187,4 миллион теңге жөндеу жүріп жатқанын айтты.

Жиында жалпы сомасы 8,9 миллиард теңгені құрайтын 11 нысанды күрделі жөндеуден өткізу бойынша жобалау-сметалық құжаты әзірленіп жатқаны белгілі болды. Сондай-ақ, келесі жылы 4 нысанды салу жоспарлануда.