ҚОРЫТЫНДЫ БРИФИНГ ӨТТІ
Бүгін, «Nur Otan» партиясы Тасқала аудандық филиалының жанынан құрылған сайлауалды штабының қорытынды брифингі өтті. Ауданда филиал жанынан құрылған сайлауалды қоғамдық штабы жұмыс жасады.
Бұл күнге дейін үгіт насихат жұмысы барысында канвассинг, "есіктен есікке" акциясы, сайлаушылармен түрлі форматта кездесулер өтті.
Тасқала аудандық маслихаттағы «Nur Otan» партиясы депутаттығына кандидаттар қоғамдық қабылдау өткізді. Қоғамдық қабылдаулар онлайн және офлайн форматта жүргізілді.
Тасқала ауданы бойынша 1 телеарна (Ақжайық), 1 газет (Екпін), 2 сайтпен (республикалық kapital.kz, облыстық zhaikpress.kz) жұмыс жасалды. Жалпы 29 материал жоспарланып жоспарға сәйкес орындалды. Газеттердің шығу күніне сай материалдар жарияланды.
Тасқала ауданы бойынша сайлауалды үгіт жұмыстарын жүргізу мақсатында 24 белсенді жас өз жұмыстарын жүргізді. Белсенділердің қатысуымен семинар өткізіліп, оларға үгіт жұмыстары кезінде кемшіліктерге жол бермеу үшін түсіндірме жұмыстарын жүргізіп және барлық белсенділерге имиждік өнімдер (күрдеше, қалпақ, сөмке, маска) берілді. Белсенділер әлеуметтік желілерде және аудан аумағындағы, ауылдық округтердегі елді мекендерде жұмыстар атқарды. Аудандық желілік кестедегі іс-шаралардың барлығына белсенділер үміткерлермен бірге қатысты.
Тасқала ауданына жалпы 3 толқын бойынша 7550 үгіт қағаздары жеткізіліп, бүгінгі таңда жас белсенділер үгіт насихат жұмысының үшінші толқыны бойынша тиісті жұмыстарды жүргізіп, өз мерзімінде аяқтады.
Дауыс беру жергілікті уақыт бойынша сағат 7.00 ден 20.00 дейін 22сайлау учаскесінде өтеді.