«NUR OTAN» ПАРТИЯСЫНАН ШАРДАРА АУДАНДЫҚ МӘСЛИХАТЫНА ҰСЫНЫЛҒАН ДЕПУТАТТАР ТІЗІМІ

«Қазақстан Республикасындағы сайлау туралы» Конституциялық заңның 97-1 бабының 5-тармағына сәйкес «Nur Otan» партиясы Шардара аудандық филиалы Саяси кеңесі Бюросының 13 қаңтардағы шешімімен 11 кандидаттан тұратын тізім бекітіліп, Шардара аудандық мәслихатының VII шақырылымының депутаттары ретінде тіркеу үшін аумақтық сайлау комиссиясына жолданды.

Елбасы, Партия Төрағасы Н.Ә. Назарбаев атап өткендей, «Nur Otan» партиясын қайта жаңғырту «Мықты көшбасшылар – Мықты партия» қағидатын толық көлемде іске асыруға мүмкіндік берді. Енді жаңа фракция алдында «Өзгерістер жолы: Әр азаматқа лайықты өмір!» сайлауалды бағдарламасының орындалуын жүйелі түрде бақылау және жаңа реформаларды заңнамалық тұрғыдан қамтамасыз ету міндеттері тұр.

Партия Төрағасының мәслихаттардағы жастар мен әйелдердің үлесін арттыру жөніндегі тапсырмасы нақты іске асырылды.

«Nur Otan» партиясының партиялық тізімі бойынша жетінші шақырылған Шардара аудандық мәслихатының депутаты болып тіркелгендер:

Айдос Сүндетәлі Қалмахамедұлы, «CASCOM» ЖШС директоры.

Асылбеков Ғалымжан Серікұлы, аудандық жер кадастры және жылжымайтын мүлікті зерттеу департаментінің бас маманы.

Бектасов Дәулетбек Төлбасыұлы, жеке кәсіпкер.

Ғаниева Гүлжан Көбейқызы, Б.Соқпақбаев атындағы жалпы орта мектебінің директоры.

Жалғасбаев Талғат Серікбайұлы, жеке кәсіпкер.

Жұмабек Қабыланбек Райымбекұлы, «Пернебай және К» шаруа қожалығының төрағасы.

Иса Ермек Смайылұлы, «Қазсушар» Шардара аудандық бөлімшесінің басшысы.

Қалмырза Эльмира Әмірбекқызы, "Балауса" балабақшасының директоры.

Қарсыбаев Арман Романұлы.

Нөсеров Нұржан Ахметұлы, аудандық орталық аурухана бас дәрігерінің орынбасары.

Оңғарбаев Қыдырғали Дүйсенбекұлы, Шардара ауданының жекпе-жек және күш қолданылатын спорт түрлері клубы директорының орынбасары.