МЕН ӨМІРДІ ТАНДАЙМЫН📷

Өмірді таңда!

Өмір – адамға бір - ақ рет берілетін баға жетпес қымбат сый. Осындай сыйды бізге сыйлаған кім? Әрине, саған осындай баға жетпес сый сыйлаған ең қымбат адамдарың - ата – анаң. Егер саған анаң осындай баға жетпес сый сыйласа, сен соған лайықты өмір сүруге тиіссің. Адамдар, негізінен, бұл өмірге қонақ. Соны түсініп, сезіне білген адам өмірдің шын рахатын сезінеді. Өмірдегі түрлі оқиғаларда саған сүйеу болатын, сүрінгенде демейтін досың болғаны дұрыс. Жақсы досы бар адам түзу жолдан таймайды.

Өмір - өзен ағып жатыр, тынбайды,

Өмір болмас қасіретсіз, мұң қайғы,- деп қазақ халқы өмірді ағып жатқан өзенге теңейді. Өйткені өмір өзен тәрізді тоқтаусыз, ешкімге білдірмей өтіп жатады. Сол өзен ағынында кейбір жан өз арнасын тауып жатса, енді кейбіреулері бастарын тасқа да, жарға да ұрып, өз жолын таба алмай жатады.

Өмір деген менің түсінігім бойынша Алланың бізге берген сынағы.

Адамның өн бойында адамға қажетті заттың бәрі бар, оның ешқайсысын ақшаға сатып ала алмайсың. Көзіміз барлық әсемдік куәсі, құлағымыз барлық жақсылықтың естушісі, ал тіл сол жақсылықты жеткізуші. Олай болса, сатып ала алмайтын, сатуға болмайтын байлық бойымызда біз бақыттымыз. Біз бейбітшілік заманда білім алып, демалып, жаңалықтар ашып өз мүмкіндігіңді толық пайдалана алатын елде өмір сүріп отырмыз. Өмір мен саған ризамын. Мен өмірді сүйемін!