ҰЛТАРАЛЫҚ ТАТУЛЫҚ БАСТЫ ҚҰНДЫЛЫҚ
Бүгін Темірландағы Жастар сарайында аудандық ішкі саясат бөлімі, «Жастар ресурстық орталығы» қызметкерлерінің, түрлі ұлт өкілдерінің, бұқаралық ақпарат құралдыры қызметкерлерінің қатысуымен «дөңгелек үстел» өтті.
Жиында ұлтаралық келісім төңірегінде әңгімелер айтылды.
Аудандық ішкі саясат бөлімінің басшысы Әділ Ысқақ ұлтаралық татулықтың еліміз үшін басты құндылық екенін айта келіп, ауданды, елімізді көркейту жолында бірлесе иық тіресе еңбек етуге шақырды. Отанымыздың тыныштығы, ынтымағы мен бірлігі, көркейіп гүлденуі әрбір азаматқа тікелей байланысты екенін баса айтты.
«Дөңгелек үстелге» қатысқан басқа да азаматтар ой түкпірінде жатқан келелі мәселелерді ортаға салып, сұрақтарын қойып, белсенділік танытып отырды.