ӘЛЕУМЕТТІК ЖӘНЕ ИНЖЕНЕРЛІК ИНФРАҚҰРЫЛЫМ НЫСАНДАРЫНА ҚОЛ ЖЕТКІЗЕДІ

Балтакөл ауыл округі аудан орталығынан шалғай жерде орналасқанымен ондағы тұрғындар тарапынан айтылған талап-тілектер партия назарынан тыс қалған емес. Бүгін аталған ауылда «Балтакөл» бастауыш партия ұйымының партия мүшелерімен кездескен «Nur Otan» партиясынан Отырар аудандық мәслихатының депутаттығына үміткер Гүлнұр Тукушева партияластарына алдағы саяси додада белсенді жұмыс атқару керек екенін айтты.

Кандидат басқосуда партияның сайлауалды бағдарламасының негізгі мақсаттарын түсіндіріп өтті.

«Nur Otan» партиясы аудан тұрғындарының өмір сүру сапасын жан-жақты арттыруды қолдайды. Осы бағытта «Ауыл – ел бесігі» және «Құтты мекен» партиялық жобаларын іске асыру жалғастырылады. Нәтижесінде аудан тұрғындары таза ауыз суға, сапалы жолдарға, әлеуметтік және инженерлік инфрақұрылым нысандарына қол жеткізеді.