Әкесі мен қызының әдемі үйлесімі туралы видео жұртты сүйсінтті

Әлеуметтік желіде сондай бір жылылық лебі есетін, жүрек елжірететін видео тарады. Онда Алматы тұрғыны қызын балабақшаға апару үшін киіндіріп жатыр.  

Видеоны желіге оның әйелі (tiktok.com/@sariyeva_aikonya) салған. Бұны жас әкелер үшін пайдалы кеңес (лайфхак) деуге болады.

Жалпы, баланы ерте таңда бір жаққа шығуға дайындау көптеген ата-анаға өте қиын екені мәлім. Кей бүлдіршін балабақшаға барғысы келмей жылайды. Алайда алматылық әке бұл қиындықтан әдемі шыға білген.

«Ол жәй ғана киіндіріп жатқанда қызы ұйықтап тұратын болып келісті. Бұл біздің жағдайды жеңілдетті», – деп жазған бүлдіршіннің анасы.