КӘСІПКЕРЛІК - ЕЛ ЭКОНОМИКАСЫНЫҢ ӨЗЕГІ
Елімізде кәсіпкерлікті қолдау шаралары жалғасын табады. Бұл туралы бүгін аудандық мәслихат депутаттығына үміткерлер А.Мырзатай мен Ұ.Әбдірахимов аудандық кәсіпкерлерге қызмет көрсету орталығында өткен кездесуде айтып өтті.
Аудандағы шаруақожалық иелерінің қатысуымен өткен басқосуда үміткерлер Отырар ауданы бойынша «Nur Otan» партиясының сайлауалды бағдарламасымен таныстырды. Кездесуде ауыл шаруашылығы саласындағы ағын су және мемлекеттік субсидияға қатысты бірқатар өзекті мәселелер талқыланды.
Шаруалар тарапынан қойылған сұрақтарға жан-жақты жауап берген үміткерлер кәсіпкерлерді «Nur Otan» партиясына дауыс беруге шақырды.